اذا اردت النجاح فأعبر الي هدفك بكل ما لديك وقتها اما ان تصل الي هدفك او ان تموت دونه وكلاهما شرف
السلام عليكم
عمرك سمعت عن نقطه اللا رجوع ( a Point of No Return)
تخيل كده نقطه لما بتوصل لها مستحيل ترجع فيها ،مجرد التخيل مرعب صح؟
بس للاسف دا مبقاش تخيل واصبح واقع فعلي ،في ظاهره بيئيه خطيره اسمها ظاهره الاحتباس الحراري او global warming بالرغم من كونك سمعت عنها كتير الا ان الموضوع مبقاش مجرد ظاهره بنسمع عنها الوضح اصبح حرج بدرجه كبيره جدا وبقي بيهدد حياه الملايين ،الاحتباس الحراري تعريفه هو ظاهره تجمع وتزايد في كميه غاز ثاني أكسيد الكربون في الغلاف الجوي واللي بيمنع خروج الاشعاع الحراري من كوكب الارض فبالتالي دا بيتسبب في زياده درجه حراره الكوكب، الظاهره دي لحد حوالي ١٠٠ سنه فاتت كانت مجرد تحذير بسيط لكن مع الزياده العاليه جدا في نسبه غازCO2 بشكل كبير جدا بسبب مظاهر التلوث المختلفه زي عوادم السيارات وغيرها الا ان النسبه زادت جدا بخاصه بعد مجموعه الحرائق اللي حصلت الفتره اللي فاتت زي حرائق الأمازون بس مش هنا الاخبار السيئه يعني مثلا ايه المشكله لما الارض تسخن شويه؟
اقولك المشكله هتكون في منطقه القطبين ومنطقه جرين لاند، المناطق دي فيها كميه كبيره من جبال الجليد واللي بتذوب كميه كبيره جدا منها بسبب ارتفاع درجات الحرارة واللي بيسبب ارتفاع مستوي سطح البحر بشكل كبير واللي نتيجه له بيتسبب في حصول كوارث بيئيه خطيره زي اغراق المدن الساحيله ،تخيل كده مصر من غير اسكندرية؟!
والصراحه مش اسكندريه بس العلماء حددوا ان لو زادت نسبه الاحتباس الحراري منطقه كامله زي الدلتا دوله كامله زي ايطاليا وماليزيا ،طب فين المشكله؟
هو يعني اول مره الانسان يدمر في الكوكب ويسبب مشكله في البيئه، المشكله هي ان علماء البيئه كلهم بيحذروا ان الكوكب مش هيستحمل تطفلنا عليه كتير وهيجي الوقت اللي يفيض بيه الكيل ويبدأ في التخلص منا او زي ما علماء البيئة بيقولوا نقطه اللا عوده ،الذوبان المستمر للجليد والانحدار المناخي المستمر هيؤدي لحدوث فياضانات هتغطي اليابسه كلها مسببه تشريد وموت اللالاف
ركز معايا كده في التاريخ الجاي ده ٦/١٢/٢٠١٩ تم عقد مؤتمر حضره حوالي ٢٥ الف شخص من علماء البيئه والمهتمين بالبيئه وكان من ضمن التصريحات الصادمه زي تصريح العالم جيمس وايت
"We’ve already baked in 20 meters of sea level rise,” says James White,
معني كده اننا المتاح لنا فقط حوالي٢ متر فقط ونوصل لمرحله الا عوده وبالفعل بدأت اماكن ختفي من علي الخريطه زي ولايه كاليفورنيا الامريكيه وغيرها من الجزر
فهل هنقدر ولا فعلا النهايه قربت؟
ليست هناك تعليقات
إرسال تعليق